علاقات خطرة

علاقات خطرة

مُمكن تكون أعقد حاجة في الدنيا هي العلاقات بين البشر..
مش بس أعقد.. لا.. هي كمان أخطر، وطبعًا أصعب..

العلاقات بين البشر زي ما هي أحد الأسباب المهمة للسعادة والبهجة والإقبال على الحياة.. ساعات بتكون أحد أهم مصادر التعاسة والألم.. ممكن علاقة تطلعك سابع سما، وعلاقة تانية تنزلك سابع أرض.. اللي بيبوظ ويشوه ويؤذي الناس علاقة.. واللي بيصلح ويغير ويعالج الناس برضه علاقة.. إحنا بنكبر من خلال علاقاتنا مع بعض..

فيه دراسة اتعملت في جامعة هارفارد واتنشرت قريب.. الدراسة دي استمرت 75 سنة، أجيال من الباحثين وأجيال من البشر.. كانوا بيشوفوا هو إيه اللي فرق في حياة الناس بعد السنين الطويلة اللي عاشوها هما وأولادهم وأحفادهم.. معظمهم كانوا متصورين في الأول إن اللي هايفرق في حياتهم هو الفلوس والشهرة وغيرها.. بس اكتشف الباحثون في آخر الدراسة إن أكتر حاجة فرقت في صحة الناس النفسية والجسدية، وطول أعمارهم ومدى سعادتهم وقدرتهم على مقاومة الأمراض والأحزان والشيخوخة وغيرها.. هي وجود علاقات طيبة في حياتهم.. علاقات فيها قرب وحب وتراحم وتفاهم.. علاقات كان الطرف التاني فيها متاح وموجود في عز الأوقات الصعبة.. وعلى العكس.. الناس اللي ما كانش عندهم علاقات بالشكل ده في حياتهم.. أعمارهم كانت أقصر.. نسبة إصابتهم بالأمراض المختلفة كانت أكتر.. قدرتهم على تحمل الألم النفسي والجسدي كانت أقل.. وجالهم كمان ألزهايمر في شيخوختهم..

العلاقات الطيبة هي أكسير الحياة.. وهي الترياق الوحيد ضد الذبول الروحي.. والموت النفسي..

في كتاب (علاقات خطرة) هانتكلم عن أنواع وأشكال كتير من العلاقات.. بدءًا من علاقتك بنفسك.. وانتهاء بعلاقتك بكل اللي حواليك.. علشان كده الكتاب مقسم إلى خمسة أقسام..

القسم الأول (الفصول من 1 إلى 3) يخص تركيبتك أنت شخصيًّا.. اللي مهم تعرفها وتبقى واعي بيها قبل ما تعمل أي علاقة مع أي حد..

القسم التاني (الفصول من 4 إلى 6) عن بعض الحاجات المهمة جدًّا في علاقتك بالآخرين.. هو إنت في العلاقة دي بتكون نفسك واللا بتكون حد تاني؟ طيب هو إنت شايف اللي قدامك زي ما هو واللا بتتعامل مع حد غيره في صورته؟ طيب اللي قدامك نفسه بيتعامل معاك كما أنت، واللا بيلبسك صورة حد غيرك؟

القسم التالت (الفصول من 7 إلى 10) هانشوف فيه نتيجة اضطراب ولخبطة بعض علاقاتنا مع الآخرين.. خاصة القريبين مننا..

القسم الرابع (الفصول من 11 إلى 19) عن التغيير.. عن الشفاء والالتئام النفسي.. عن قبول كل مشاعرك وأجزاءك من غير نقص أو تشويه أو اختزال.. عن قبول الحياة وقبول الموت.. عن امتلاء كل الفراغات النفسية اللي جواك.. والخروج من الصندوق الضيق المظلم المغلق عليك من سنين.. عن إنك تكون نفسك..

وأخيرًا.. وبعد ما شوفت وحسيت واتحركت واتغيرت.. وبعد ما اتفكيت واتجمَّعت واتلملمت والتأمت.. هانستعرض في الفصل العشرين 30 علاقة خطرة مهم تاخد بالك منهم في رحلة حياتك.. علشان تبقى واعي بيهم، وتعرف تلقطهم وتشوفهم كويس، وتحمي نفسك منهم بكل شجاعة ومسئولية.. مهما كان التمن..

الكتاب ده عنك..
وعن اللي حواليك..
وعن اللي بينكم..
الكتاب ده.. مش ها يفارقك..
لأنه بكل بساطة..
ها يبقى حتة منك..
واحتمال تكتشف مع آخر صفحاته..
إنك شاركت في كتابته..
يا للا بينا..

Title:علاقات خطرة
Edition Language:Arabic
ISBN:9789776549180
Format Type:

    علاقات خطرة Reviews

  • Nadia

    It’s a good book... it took me like 2 months to finish it as sometimes I got a bit bored but I can never deny that it made me learn a very important thing... when you chose to be in a relationship t...

  • Sara_elshatoury

    The title is misleading; the content is more about the probable causes of some famous psychological disorders (he mentioned depression and schizophrenia many times), he only talked about the unhealthy...

  • Noha

    As u're reading, names of the people u know will pop up from the pages.. a page turner and an easy-read book which gives u the what and why, yet it doesn't tackle the how.. read this book, I'm sure u'...

  • Doaa Samir

    Ita amazzzzing. I believe everyone shud read it....

  • Ayat

    If you love psychology or in a restless state to have a better version of your inner self n your life reflections, This book -that is written by a Dr in psychology- would definitely put you on the "fi...

  • Fad BDL

    i can't judge if it is a great book or not but i can say that has a good subject and information i'm not gonna judge the language but it will be good to get it on Arabic not a formal language , i mean...

  • Mariam

    It’s a great book for people who aren’t familiar with psychology and personality disorders. Simple and easy to read however for anyone with some background knowledge it could come off as a little ...

  • Joe

    For me it was extremely boring and self repeating......

  • Rehab Karam

    it's good but there are many repeated information....

  • Ahmed Khattab

    a life-changing book....